விஜயகாந்த் நடித்த அரசாங்கம், அம்பாசமுத்திரம் அம்பானி படங்களிலும் பல்வேறு தெலுங்கு படங்களிலும் நடித்திருப்பவர் நவ்னீத் கவுர். இவர் பஞ்சாபில் காங்கிரசை சேர்ந்த எம்எல்ஏவை திருமணம் செய்துகொண்டார்.
அவர் கூறியதாவது:மகாராஷ்டிராவில் அமராவதி தொகுதியில் காங்கிரஸ் வேட்பாளராக நான் போட்டியிடுகிறேன். எனக்கு கொலை மிரட்டல் வந்திருக்கிறது.
சிவசேனா கட்சியை சேர்ந்த அத்சுல் எனக்கு போன் செய்து தேர்தலில் போட்டியிட்டால் கொலை செய்துவிடுவோம் என்று மிரட்டுவதுடன் கெட்ட வார்த்தைகளில் திட்டுகிறார்.
இது பற்றி காட்ஜ் நகர் போலீசில் புகார் செய்திருக்கிறேன். நேற்று காலை போலீஸ் நிலையத்தில் புகார் தருவதற்காக உட்கார்ந்திருந்தேன்.
அப்போது அத்சுல் எனக்கு போன் செய்து, தேர்தலில் போட்டியிட வேட்பு மனு தாக்கல் செய்தால் அதுதான் உனது கடைசி நாளாக இருக்கும் என்றார்.
சமீபத்தில் நாங்கள் இருவரும் ஒரு தொலைக்காட்சி நிகழ்ச்சியில் நேருக்கு நேர் பேசினோம். அப்போது தனது தொகுதியில் அவர் ஆற்றிய பணி பற்றி பொதுவாக பேசினார்.
குறிப்பிட்டு பணிகளை சொல்லும்படி நான் கேட்டேன். இதையடுத்து என்னை திட்ட தொடங்கினார். நான் அரசியலுக்கு வந்ததை பார்த்து அவர் பயப்படுகிறார்.
இவ்வாறு நவ்னீத் கவுர் கூறினார். இதுபற்றி அத்சுல் கூறும்போது,அரசியல் ஆதாயத்துக்காகவும், மக்களிடம் அனுதாபம் பெறுவதற்காகவும் நவ்னீத் பொய் சொல்வதுடன், தவறாக புகார் அளித்திருக்கிறார்Õ என்றார். இதுபற்றி போலீசார் விசாரித்து வருகின்றனர்.
0 comments:
Post a Comment