திருமணம் ஆகும் வரை தன் பெற்றோருடன் நடிகர் விஜய் குடியிருந்த வீடு சென்னை, சாலிகிராமத்தில் உள்ளது.
திருமணத்துக்குப் பிறகு நீலாங்கரையில் குடியேறினார் விஜய். அவரது பெற்றோர் பெசன்ட் நகர் பக்கம் இடம் பெயர்ந்தனர். எனவே விஜய்யின் சாலிகிராமம் வீடு சும்மாவே பூட்டிக் கிடந்தது.
சில மாதங்களில் அந்த வீட்டில் வாடகைக்கு குடியேறினார் இசையமைப்பாளர் விஜய் ஆண்டணி. சில லட்சங்கள் வாடகை கொடுத்து விஜய் வீட்டுக்கு விஜய் ஆண்டணி குடியேறியதற்கு ஒரே காரணம்தான். வீட்டின் ராசி...!
இந்த வீட்டில் இருந்தபோதுதான் விஜய்க்கு அதிர்ஷ்டம் அடித்தது. அவர் முன்னணி நடிகரானார். அதேபோல் நமக்கும் ராசி வொர்க் அவுட்டாகி நாமும் நம்பர் ஒன்னாக மாட்டோமா என்ற எண்ணத்தில்தான் லட்சக்கணக்கில் வாடகை கொடுத்து அந்த வீட்டுக்கு வந்தார் விஜய் ஆண்டனி.
ஆனால் நடந்ததோ வேறு...! சூளைமேடு வீட்டில் இருந்தபோது கையில் ஏகப்பட்ட படங்களை வைத்துக் கொண்டு பிஸியான இசையமைப்பாளராக இருந்தார் விஜய் ஆண்டனி. விஜய்யின் வீட்டில் குடியேறிய பிறகு பட வாய்ப்புகள் குறைந்துபோனது.
இன்னொரு பக்கம் அவர் கதாநாயகனாக நடித்த சலீம் என்ற படம் வருடக்கணக்கில் அப்படியே நிற்கிறது.
இசையமைக்கும் படங்களும் குறைந்துபோனதாலும், நடித்து வரும் படம் பாதியிலேயே நிற்பதாலும் விஜய் ஆண்டனிக்கு பணப்புழக்கம் குறைந்துபோய்விட்டதாம்.
விஜய்க்கு வொர்க் அவுட்டான ராசி, நமக்கு வொர்க் அவுட்டாகவில்லையே என்ற வருத்தத்தில் இருக்கிறாராம் விஜய் ஆண்டனி.
0 comments:
Post a Comment