பேராசை பெரும் நஷ்டம் என்பது யாருக்குப் பொருந்துகிறதோ இல்லையோ, ஹரிதாஸ் படத்தைத் தயாரித்த டாக்டர்.ராமதாஸுக்கு மிகச்சரியாய் பொருந்தும்.
சீசெல்ஸ் என்ற வெளிநாட்டில் வசிக்கும் இந்தத் தமிழர், சில வருடங்களுக்கு முன் பல கோடிகளோடு கோலிவுட்டுக்கு வந்தார். பரத் நடித்த யுவன் யுவதி என்ற படத்தைத் தயாரித்தார். அதில் 3 கோடி நஷ்டம்.
அடுத்து சின்னத்திரை நடிகர் விஜய்ஆதிராஜ் இயக்கத்தில் புத்தகம் என்ற படத்தைத் தயாரித்தார்.
அதில் 6 கோடி காலியானது. படத்தயாரிப்பில் ஈடுபட்டதோடு நிற்காமல், வேறு தயாரிப்பாளரின் படங்களை வாங்கி வெளியிடும் முயற்சியில் இறங்கிய டாக்டர் ராம்தாஸ், நாகராஜசோழன் எம்.எல்.ஏ, பொன்மாலைப்பொழுது,என்றென்றும் புன்னகை ஆகிய படங்களை வாங்கி வெளியிட்டார்.
இந்தப் படங்களினால் சுமார் 15 கோடியை இழந்தார்.
மொத்தத்தில் 25 கோடியைத் தொலைத்த டாக்டர் ராம்தாஸ் தயாரித்த படங்களிலேயே ஹரிதாஸ் என்ற படம் மட்டுமே ஓரளவுக்கு லாபம் கொடுத்தது.
இந்தப் படத்தின் ஹிந்தி ரைட்ஸை ஒன்றரை கோடிக்கு சல்மான்கான் கேட்டிருக்கிறார். மலையாள ரைட்ஸை மோகன்லால் கேட்டாராம்.
பெரிய பெரிய ஹீரோக்கள் எல்லாம் அப்ரோச் பண்ணியும் ஹரிதாஸ் படத்தின் ஹிந்தி, மலையாள ரைட்ஸை விற்க மறுத்துவிட்டாராம் டாக்டர் ராம்தாஸ்.
அதற்கு அவர் சொல்லும் காரணம்..நானே இந்தப்படத்தை எல்லா மொழிகளிலும் தயாரிக்கப்போறேன்.
வேண்டுமானால் சல்மான்கானும், மோகன்லாலும் என் படத்தில் நடிக்கட்டும் என்கிறாராம்.
காமெடிப் பார்ட்டியா இருப்பார் போலிருக்கிறதே...!
0 comments:
Post a Comment