திரைத்துறையில் ஒரு நிலையிலிருந்து மற்றொரு நிலைக்குச் செல்வத் ஒன்றும் புதிதல்ல. ஒரு இயக்குனராகவோ அல்லது நடிகராகவோ சாதிக்க நினைத்துப் பின்னர் அதே திரைத்துறையில் தான் விரும்பி வந்த வேலையில் சாதிக்காமல் மற்றொரு வேலையினைச் செய்துவருபவர்களும் ஏராளம்.
இன்றைய சினிமாவில் ஒரு சில இயக்குனர்கள் ஹீரோவாகும் எண்ணத்துடன் திரைத்துறையில் நுழைந்து, பின்னர் தனக்கு இயக்கம்தான் சரிப்பட்டுவரும் என்று இயக்குனராகப் புகழ்பெற்றும் விளங்குகின்றனர்.
அந்தவகையில் ஒரு இயக்குனராகும் கனவுகளோடு திரைப்படத்துறையில் நுழைந்து, உதவி இயக்குனராகவும் பணியாற்றிவந்த விஷால் செல்லமே திரைப்படத்தின் மூலம் ஹீரோவாக அறிமுகம் கண்டார். அறிமுகப்படமே இவருக்கு நல்ல எதிர்காலத்தை ஏற்படுத்திக் கொடுத்ததால் தொடர்ந்து ஹீரோவாக நடித்துவருகிறார்.
ஆனால் ஒவ்வொரு ஹீரோவுக்குள்ளும் ஒரு இயக்குனர் உறங்கிக் கிடக்கிறார் என்பதற்குச் சான்றாக விஷாலும் படம் இயக்குவதில் விருப்பம் இருப்பதாக சமீபத்திய பேட்டி ஒன்றில் கூறியுள்ளார்.
ஒருவேளை இயக்குனரானால் முதலில் யார் நடிக்கும் படத்தினை இயக்கவிரும்புவீர்கள் என்று கேட்கப்பட்டதற்கு “ இளையதளபதி விஜய்” என்று கூறியுள்ளாராம். மேலும் விஜயை அடுத்து யாரென்று கேட்கப்பட்டதற்கு விஜய் சேதுபதியை இயக்கவிரும்புவதாகவும் தெரிவித்துள்ளார்.
நடிகர் விஷால், இயக்குனர் விஷாலாக அவதாரம் எடுப்பாரா எனபது விரைவில் தெரியவரும்.
0 comments:
Post a Comment