ஸ்ருதிஹாசன் எடுத்த ரிஸ்க்...!

தனது சிறு வயதிலிருந்தே பாடத்தொடங்கிய ஸ்ருதி தற்போது நடிப்பு மற்றும் பாடல் துறையில் சக்கைப்போடு போட்டு வருகிறார்.


முதன்முதலில் ஸ்ருதி, சிவாஜிகணேசன் - கமலஹாசன் அப்பா மகனாக நடித்த தேவர் மகன் படத்தில் “போற்றிபாடடி பெண்ணே” என்ற பாடலை இளையராஜா இசையில் பாடியிருந்தார்.


அதிலிருந்து பல இசையமைப்பாளர்களிடம் பாடி வந்த ஸ்ருதி பின் உன்னை போல் ஒருவன் திரைப்படத்தில் இசையமைப்பாளராக பணியாற்றினார்.


தன் அப்பாவை போலவே நடிப்பிலும் ஹிட் கொடுத்து வரும் ஸ்ருதி தற்போது அஸ்ஸாமை சேர்ந்த ஜோய்பவார் என்பவருடன் சேர்ந்து ஒரு ஆல்பம் உருவாக்கி வருகிறாராம்.


இப்பாடலுக்கு பாடல் வரிகள் கமல்ஹாசன் எழுதி கொடுத்துள்ளாராம், மேலும் விரைவில் ஸ்ருதி, கமல், ஜோய்பவார் கூட்டணியில் ஒரு ஹிட் ஆல்பத்தை கொடுக்க உள்ளதாக தகவல் வெளியாகியுள்ளது.