இப்போது வரும் தமிழ் சினிமாக்களில் டாஸ்மாக் பார் காட்சிகள் இல்லாமல் இருக்காது. மதுபானக்கடை என்ற சினிமா,
ஒரு டாஸ்மாக் பாருக்குள்ளேயே எடுக்கப்பட்டது. இப்போது மது மாது சூது என்ற படத்தை ஒரு ஹைடெக் பாருக்குள்ளேயே எடுத்திருக்கிறார்கள்.
சிலந்தி என்ற படத்தில் வில்லனாக நடித்த சந்துரு தனது பெயரை ராஜஷந்ரு என்று மாற்றிக் கொண்டு அவரே தயாரித்து, இயக்கி நடிக்கும் படம்தான் மது மாது சூது.
இதில் அவருக்கு ஜோடியாக பெங்களூரைச் சேர்ந்த சந்தனா, சென்னையை சோந்த விக்னேஷா நடிக்கிறார்கள்.
"போதைக்கு அடிமையான ஒரு இளைஞனின் கதை. 2014ம் ஆண்டின் புத்தாண்டை கொண்டாட ஒரு ஹைடெக் பாருக்குச் செல்கிறான்.
அந்த பாரில் அவன் சந்திக்கும் திகிலான சம்பவங்களின் தொகுப்புதான் இந்தக் கதை. மது மாது சூது இந்த மூன்றிலும் வாழ்க்கையை தொலைத்தவர்கள் நிறையபேர் அவர்களுக்கு இந்த படம் ஒரு பாடமாக இருக்கும்.
திருப்பூரில் உள்ள ஒரு ஹைடெக் பாரை வாடகைக்கு எடுத்து அதனை 50 லட்சம் ரூபாய் செலவில் மாற்றி அமைத்து ஒரே கட்டமாக 40 நாளில் படப்பிடிப்பை முடித்து விட்டோம்.
ஸ்ரீனி என்பவர் இசை அமைக்கிறார். லி மற்றும் எம்எம்எம் சங்கர் ஆகியோர் ஒளிப்பதிவு செய்துள்ளார்கள்" என்கிறார் ராஜஷந்ரு.
